ئەگەر چەکدارانی داعش موسوڵمان نین …. ؟

ئەگەر چەکدارانی داعش موسوڵمان نین …. ؟

بە بۆچوونی من، ئەگەر گروپ و پارتییەکان و رامیارانی ئیسلامی و نێوەندە جیهانییەکانی ئیسلام و یەك ،لیارد و نیو موسوڵمانی جیهان، داعش بە ئیسلامی نازانن ، دەبوو یەکەمین کەسانێك کە دژی داعش بجەنگن، مەلا و گروپ و پارتییە ئیسلامییەکان و موسوڵمانانی سوریە و عیراق بن، کە چەکهەڵگرن و بەر بە گروپێك بگرن، کە بە قسەی ئەوانی دیکە [گروپ و پارتییە ئیسلامییەکان] دژی ئیسلامن. هەروەها دەبوو لە هەنگاوی دووەمدا گشت نێوندە جیهانییەکان و گروپ و پارتییەکان و موسوڵمانای جیهان دژی داعش چەکهەڵگرن و بێنە سوریە و عیراق و لەنێویان بەرن، چونکە ئەوان بەناوی ئیسلامەوە مەسیحی و ئێزیدییەکان جینۆساید دەکەن و هێڕش دەکەن سەر شیعە و کوردان!

ئەگەر موسوڵمانەکان و گروپە ئیسلامییەکان ئەو کارە ئایینییەیان بۆ خواکەیان ئەنجامبدایە، ئەوا بیانووش بۆ هاتنی سەربازانی دەوڵەتی ئەمەریکا و چەکفرۆشی دەوڵەتانی دیکە نەدەمایەوە! بەڵام بەپێچەوانەی پاگەندە و پاساوی موسوڵمانان و گروپە ئیسلامییەکانەوە، ئەوە دەوڵەتی سعودیە بە پارەی حاجیانی کورد و ئەوە حکومەتی ئیسلامی تورکیە کە بە پارە و چەك و پۆشاك و ڕاهێنان هێزەکانی داعش لە سەرتاسەری دونیا کۆدەکەنەوە و بەریاندەدەن گیانی خەڵکی سوریە و عیراق، ئەوە بێدەنگەکردن و چاونووقاندنی موسوڵمانانی جیهان و لە پێش هەمووانەوە موسوڵمانای کوردە، کە چەکدارانی داعش بۆ مرۆڤکوژی هاندەدەن!

تکایە هەر دۆستێکی موسوڵمان کە لەم بارەوە بۆچوونێکی دیکەی هەیە، یا بە بەڵگە دەتوانێت بۆ ئێمە هاوبەشی گروپە ئیسلامییەکان و موسوڵمانانی جیهان لەپێش هەموویانەوە گروپە ئیسلامییەکان و موسوڵمانانی هەرێمی کوردستان، ڕەتبکاتەوە، با ڕەخنەمان لێبگرێت و بەرچاومان ڕۆشنبکاتەوە ..

دونیا فوتبۆڵی بەرپێی ڕامیاران و سەرمایەدارانە

دونیا فوتبۆڵی بەرپێی ڕامیاران و سەرمایەدارانە

تەنیا وێنەیەکی گونجاو بۆ نیشاندانی دونیا و سەروەریی سەرمایە شکدەبەم، وێناکردنیانە بە یاریکەرێك و فوتبۆڵێك، کارتێك یاریزانێك شەق لە فوتبۆڵێك هەڵدەدات، هیچ کات بیر لە زیانمەندی فوتبۆڵەکە ناکاتەوە، ئەو تەنیا پێکانی ئامانجی مەبەستە، هەرچەندە براوە و سوودمەند تەنیا خۆیەتی، کەچی کەسانی تەماشاکەر لەپێناو چەپڵەڕێزاندا بۆ ئەو، ملی یەکدی دەشکێنن!

ڕامیاران و سەرمایەدارانیش بە هەمان شێوە، بۆ ئەوان گرنگ نییە چەند کەس دەکوژرێن ، چەند کەس برسی دەبن، چەند کەس بێکار دەبن، چەند کەس لانەواز دەبن، چەند کەس بێدایك و بێباوك دەبن، چەند کەس تووشی وەرەم و نەخۆشییەکانی دیکە دەبن، چەند کەس ئاوارە دەبن، چەند کەس ڕکیان لە یەکدی دەبێتەوە، چەند گوند و شار و هەرێم وێران دەبن، چەند ئێتنی و گروپ جێنۆساید دەکرێن، چەند ئاژەڵ ئازار دەدرێن و دەکوژرێن، چەند ژینگە پیسدەکرێت و چەندە سروشت تێکدەدرێت …تد بۆ ئەوان گرنگ دوو شتە: سەروەرمانەوەی خۆیان و دابینکردنی مشەخۆریی خۆیان و بەکرێگیاروانیان .

بەداخەوە هەر سات و هەر ڕۆژ ئێمەی ژێردەست و بێدەسەڵات ئەم دیمەنانە دەبینین، کە چۆن ڕامیاران و سەرمایەداران گۆی زەوییان کردووەتە فوتبۆڵی یارییە ڕامیارییەکانیان، کەچی چەوساوانی ناهوشیار و خۆشباوەڕ بەدەست و سنگ و سمتیان چەپڵە و تەپڵ بۆ براوەکان لێدەدەن !

تەنیا بۆ نموونە سەرنجبدەن: دەوڵەتانی ئەوروپا و ئەمەریکا و خۆرهەڵاتی ناوین بەخۆیان گروپە ڕامیارە ئیسلامییەکان دروستدەکەن و هەر بەخۆشیان جەنگ دژیان بانگەوازی جەنگ دەدەن و لە ناردن و فرۆشتنی چەکدا کێبڕکێ دەکەن و چەوساوانی ناوچەکەش بە هەموو توانایانەوە وێرای قوربانیبوونیان، چەپلە بۆ رامیاران و کارخانەکانی چەکسازییو دەوڵەتان [چەسێنەرانیان] لێدەدەن و پیرۆزیاندەکەن.

ئەوانەی کە داوامان لێ دەکەن؛

یەک-دەنگ ، یەک-ڕەنگ ، یەک-بیر ، یەک-بۆچوون بین، ئایا بیریان لەوە کردووەتەوە کە خەریکن داوای کۆمەلێکی ژێرجەپۆکی تژێمێکی فاشیستی دەکەم ؟!

ئەوەی سەرەوە نزای پاش گوتاری هەموو هەیینییەکی مزگەوتەکانە ، گوتاری کۆتایی هەموو کۆنگرە پارتییەکانە [بە هەموو ڕەنگەکانیانەوە] ، داخوازی گروپە ناسیونالیستەکانە !

بەپێچەانەوە لە مێژوودا کۆمەڵە ئازادەکان هەمیشە دەنگ و ڕەنگ و بیر و بۆچوونی جیاواز و ناکۆکیان تێدابووە، هەر ئەوەش بووەتە بنەمای گەشەسەندن و پێشکەوتنیان !

ئەفسوونی خۆکوژی و یەکدی کوژی مرۆڤەکان

ئەفسوونی خۆکوژی و یەکدی کوژی مرۆڤەکان

گەورەترین و سەرەکیترین گرفتی مرۆڤی سەردەم ئەوەیە، کە کولتوور و یاسا و میدیا و بەرژەوەندی سەروەرانی ئاوا لە قاڵبیداوە، کە لە بەیانییەوە کە لە خەو رادەبێت تا شەوان کە دەخەوێت، پێویستی بە هێزكی سەرووی خۆی هەیە، تا پێیبلیت ئاوا بکە و وا مەکە، ئاوا بیربکەرەوە و وا بیرمەکەرەوە، ئەوە ڕاستە و ئەوە درۆیە.

ئەگەر مرۆڤ/ تاک بتوانێت خۆی لە تەلیسمی ئەو هەژموونە ڕزگاربگات، ئەوا هیچ هێزیك لەپێش گروپ و پارتیی و رامیاران و فەرماندارییان و دەوڵەتان و سەرۆکانەوە نامێنێت بۆ جەنگ و یەکدی کوژی!

نامەیەك بۆ لاوانی شۆڕشخواز و ئاتەئیست/ ئەیتیئیست [Atheist]

نامەیەك بۆ لاوانی شۆڕشخواز و ئاتەئیست/ ئەیتیئیست [Atheist]

ئازیزان، گیانی یەك تاکی شۆڕشگێڕ لە هەموو پارتیی و تاکتیك و ستراتیجە ڕامیارەکان بەنرخرتر و مانەوەی پێویستترە !

تکایە هوشیارانە بیر لە هەر چالاکییەك بکەنەوە، کە ئەنجامدەدەن، بیر لە ڕەهەندەکانی چالاکییەکان بکەنەوە و لایەنە پۆزەتیڤ و نیگەتیڤەکانی بەراوردبکەن، لەوە گرنگتر ئەوەیە، کە بزانین ئەو چالاکییەی کە ئەنجامیدەدەین، سەرەنجام بە قازانجی کێ تەواودەبێت و چی بەدوای خۆیدا دەهێنێت.

پێویستە هەر یەك لە ئێمە ئەوە بزانێت، کە توندوتیژی تەنیا توندوتیژی بەرهەمدەهێنێت، هەروا کە کۆنەپەرستی و دەمارگیری [مەزهەب و ناسیونالیزم و ڕەیسیزم و شۆڤێنیزم و فاسیزم] هەر کۆنەپەستی و دەمارگیری لە بەرانبەرەکەدا دروستدەکەن و بەرهەمدەهێننەوە. ئەزموونی دوو سەد ساڵەی خەباتی بندەستان بۆ ڕزگاری و ئازادی و سەربەخۆیی و یەکسانی و دادپەروەریی نیشانداوە، کە ڕامیاریی لە خەباتی کۆمەڵایەتی دوورماندەخاتەوە و پەیوەندییە کۆمەڵایەتییەکان هەڵدەوەشێنێتەوە و دەمانکاتە تاکی دەمارگیری پارتیی و بێجگە لە کۆنەپارێزیی ئایدیۆلۆجیا، هیچی دیکە دەرکنەکەین، ئەندامی گروپ و پارتییەکان وەك زیندانییەكن، کە هەواڵ و پرسەکان لە دەمی زیندانەوانەکانەوە دەبیستێت و لێی دەبنە ڕاستی بێچەندوچوون. بێچگە لەمەش نزیکترین ئەزموونی سەردەمی ئێمە ٢٢ ساڵی ڕابوردووە، کە پارتایەتیی ڕیزی یەکگرتووی ڕاپەڕیوانی شۆڕشگێڕ و لایەنگرانی بزووتنەوەی شورایی هەزار پارچەکرد و هێشتاکەش تاوەکو پارتایەتی بەناوی سۆشیالیزم و کۆمونیزمەوە لە بڕەودابێت، بەدڵنیاییەوە پارچە پارچەبوون و لەیەك دوورکەوتنەوە بەردەوامدەبێت، چونکە سروشتی دەسەڵاتخوازانەی ڕێکخستنی رامیاریی پەیوەندییەکان دەگۆڕێت بە پەیوەندی ڕابەر و پاشڕەو، فەرماندەر و فەرمانبەر لەنێوان سەرانی ڕێکخستن و ئەندامانی خوارەوەی ڕێکخستن، کە دواجار ململانێی دەسەڵاتخوازانە دەئافرێنێت و جیابوونەوە و لێکدابڕان دەبێتە چارەنووسی بێچەندوچوون، بێجگە لەوەش ڕێکخستنی ڕامیاریی لە ڕادیکاڵترین باریدا بەناوی سۆشیالیزم و کۆمونیزمەوە، تەنیا وێنەگرتنەوەی [کۆپی] کۆمەڵی چینایەتی و پەیوەندییە سەر و خوارەکانی و نایەکسانی پێگە و بڕیاردان بەرهەمدەهێنێتەوە !

ئەگەر نەگەرێمەوە سەر مێژووی چەپایەتی لە ساڵی ١٩٣٦ [دروستکردنی حشع] لە عیراق و کوردستان، ئەوا مێژووی دوو دەهەی ڕابوردوو پڕە لە بەکوشتدان و بەفێڕۆدانی وزە و خەبات و ژیان و گیانی لاوانێکی دڵسۆز لەپێناو ئەنجامدانی تاکتیك و ستراتیژی هەڵەی پارتایەتیی، کە تەنانەت لەم ساتەدا خودی سەرانی ئەو پارتانەی کە لە شیری کۆمونیزمی کرێکاری دروستبوون، نایانەوێت ناویانبهێنرێت و بە هەموو شێوەیەك هەوڵی داپۆشانیان دەدەن؛ هەر لە دروشم و بەرنامەوە بگرە تا سەرکوتکاریی نێو ڕێزەکانی خۆیان!

بەداخەوە لەم ڕۆژگارەشدا وێڕای هەموو ئەو ئەزموونانەی کە چەوتی و نیگەتیڤبوونی دروشم و چالاکی و بەرنامەکان دەسەلمێنن، کەچی هێشتا لاوانێکی خوێنگەرم هەن، کە بازاری پارتایەتی چەپ گەرم ڕادەگرن و دەبنەوە بە قوربانی ڕامیارییەکانیان.

ئازیزان، خەباتی چینایەتی، خەبات و بەرەنگاریی کۆمەڵایەتییە، نەك پاڵەوانبازیی تاك و هەوڵی ڕامیاریی و دنەدانی پارتایەتیی. قورئان تەنیا پەرتووکێکە و بێگیان، سووتاندنی هیچ کاراییەکی پۆزەتیڤی نییە، بەڵکو تەنیا ئاییندارانی خۆشباوەڕ تووڕەدەکات و بەرەو بڕوادارتربوون هانیان دەدات. پێویستە ئێمە دوو شت: قورئان وەك پەرتووکێکی ئایینی لە ئاڵا و بەرنامەی پارتییەکی ئیسلامی جیابکەینەوە. چونکە ئەگەر ئاڵای داعش یا کۆمەڵی ئیسلامی بسووتێنین، تەنیا لایەنگرانی ئەو گروپە تووڕەدەکەین و زۆرینەی ترساوان لە هێرشەکانی داعش دەستخۆشیمان لێدەکەن، بەڵام کاتێك کە قورئان دەسووتێنین، ئەوا ملیارد و نیوێك کەس لە خۆمان توورەدەکەین و بەو کارە دەبینە هاندەریان بۆ دەمارگیرتربوون لەسەر باوڕەکەیان و هەروەها گشت دەرگەکانی تێگەییشتن لە ئامانج و خەونی مرۆڤدۆستانەکان بەڕوویاندا دادەخەین.

لەبەرئەوە ئەوی پێویستە لە بەرانبەر هەژموون و مەترسی ئیسلامییە رامیارەکان بکرێت، خۆڕێکخستنی جەماوەرە، پێکهێنانی یەکینەکانی خۆپارێزیی جەماوەرییە، پێکهێنانی ڕێکخراوە جەماوەرییە سەربەخۆکانن، دروستکردنی دیالۆگی کۆمەڵایەتییە، ژیاندندنەوەی بڕوابەخۆبوونی تاکی بندەستە بە هێز و توانای کۆمەڵایەتیی خۆی لە بەرهەمهێنادا، ژیاندنەوەی هەرەوەزی و هاریکاری و خۆکۆمەکیی کۆمەڵایەتییە، هەوڵی دوورکەوتنەوەیە لە وەرەمی ڕامیاریی و چۆلکردنی ڕیزی پارتییەکانە، گوێنەگرت یا وەڵامدانەوەیە بۆ/بە ئەوانەی کە خۆیان کردوووەتەوە سەرۆك و ڕابەر و دەمڕاستی خەڵكی چەوساوە و بندەست!

ئازیزانم، تکایە ئاگاتان لە خۆتان بێت، دەزانم ئێوەش دەبیتە قوربانی نەزانی و هاندانە چەوت و دەسەڵاتخوازانەکانی چەپ. ئەگەر ئێمە لەتەك هاوچینان و هاودەردانی دەوروبەرماندا هوشیاریی بگۆڕینەوە و هەوڵی پێکهێنانی کۆڕ و کۆمەڵە کۆمەڵایەتییە سەربەخۆ و دابڕاوەکان لە ڕامیاریی بدەین، ئەوسا دەبینین کە چۆن قورئان وەك پەرتووکێکی ئەفسانەیی هیچ کارایی نامێنێت، ئەوسا دەبینین کە خەباتی چینایەتی تەنیا لە سەنگەری کۆمەڵایەتییدا سەرکەوتن بەدەستدەهێنێت و ڕامیاریی و پارتایەتی مۆرانە و ژەنگە بە جەستەی بزووتنەوەی ئازادیخواز و یەکسانیخواز و دادپەروەیخوازییەوە!

هیوادارم خۆتان لە گروپە دەسەڵاتخواز و ڕامیارەکان دووربگرن، چونکە زۆر کەسیان بە کوشتدا و لەبیرکران و هەروا بەدڵنیاییەوە کوژرانی ئێوەش هەمان چارەنووسی دەبێت.

تێبینی: مانگی دێسەمبەری ١٩٩٥ نامەیەکی لەم جۆرەم بۆ هاوڕێی تیرۆرکراو (شاپوور عەبدولقادر) نووسی. بەداخەوە ئەو لە ژیاندا نەما، تاوەکو ببینێت کە پارتیی و ڕامیاریی پێشڕەو ڕێکخەری خەبات و بەرەنگاریی چینایەتیی نین، بەڵکو ڕامیاریی و پارتایەتی پارچە پارچەکەری ڕیزی خەباتکارانی سۆشیالیزمخواز و لەنێوبەری بڕوا و متمانەیانە بەخۆیان و بە هاوڕێکانیان و تەنانەت وەك دەبینین، هاوڕێکانی سەردەمی ڕاپەڕینی هەنووکە لەنێو خۆیاندا بوونەتە دوژمنی ڕامیاریی و ئایدیۆلۆجی و پاریاتەیی یەکدی، لەوەش خراپتر زۆرێك لەوانە لە ناهوشیاریی و نائومیدیدا ئێستا قسەکەری لیستە کۆنەپارێز و دەسەڵاتخوازەکەی بەناو “گۆران”ن!

هاوڕێتان
هەژێن

وێڕای پەرەسەندی جەنگ لە ناوچە نەوتاوییەکان، کەچی نەوت لە بازارەکان جیهاندا هەرزانتر دەبێت !

وێڕای پەرەسەندی جەنگ لە ناوچە نەوتاوییەکان، کەچی نەوت لە بازارەکان جیهاندا هەرزانتر دەبێت !

ئەوەی کە ەنوتی هەرێمی کوردستان هەراجدەکرێت و وەك ماڵی دوژمن تاڵاندەکرێت، گومان هەڵناگرێت و بەلایەنی کەمەوە دەهەیەکە نەوتی هەرێم وەك تاڵانی بە دەوڵەتانی تورکیە و ئێران دەفرۆشرێت و خەڵکی هەرێم هەر ڕۆژە بینەری تەنکەرە نەوتەکان بوون بەرەو سنوورەکانی هەرێم لەتەك ئەو دوو دەوڵەتە داگیرکەرەدا!

تا ئێرە لە دونیای سەرمایەداریدا ئاساییترین شتێکە کە ڕوودەدا، بەڵام ئەوەی کە جێی پرسیارە و سەرنجمان ڕادەکێشێت، ئەوەیە، کە هێزێکی وەك داعش نەوتی ئەو بیرەنەوتانەی کە لە سوریە و عیراق دەستی بەسەرداگرتوون، چۆن دەفرۆشێت و بە کوێیدا بەرەو بازارەکانی جیهان بەرێی دەکات؛ لە سوریە دوو ڕێگە زیاتری لەبەردەمدا نییە: یا لە ڕێگەی دەوڵەتی (سوریە)وە یا لە ڕێگەی دەوڵەتی (تورکیە)وە کە ناوچەکانی دەسەڵاتداریی داعش بە دونیای دەرەوە دەبەستنەوە ؟!

هەروەها لە عیراق بێجگە لە ئوردوون و سنووری دەوكەتی تورکیە لە ڕێگەی ناوچەی [پدک]ەوە، چ ڕێگەیەکی هەیە ؟!

کاتێك کە وەڵامی ئەم مەتەڵەمان زانی، ئیدی تێگەییشتن لەوەی کە دەوڵەتانی ئەوروپا و دەوڵەتی ئەمەریکا و دەوڵەتی تورکیە (داعش)یان دروستکردووە و هێناویانەتە عیراق و دەسەڵاتدارانی هەرێم ڕێگەیان بۆ خۆشکردوون، زۆر ئاسانە، تێگەییشتنی ئەوە، مەگەر تەنیا بۆ کەسانێك سەختبێت، کە دەمارگیریی پارتایەتیی و ئایدیۆلۆجی چاوی بەستوون و دەزگە پارتیی [حزبی] و فەرماندارییەکان لەجیاتیان بیردەکەنەوە !

Nameyek bo lawanî şorrşixwaz û Ateîst [Atheist]

Nameyek bo lawanî şorrşixwaz û Ateîst [Atheist]

azîzan, gyanî yek takî şorrşigêrr le hemû partîy û taktîk û sitratîce ramyarekan benrixirtir û manewey pêwîstitre !

Tkaye huşyarane bîr le her çalakîyek bkenewe, ke encamdeden, bîr le rehendekanî çalakîyekan bkenewe û layene pozetîv û nîgetîvekanî berawirdibken, lewe gringtir eweye, ke bzanîn ew çalakîyey ke encamîdedeyn, serencam be qazancî kê tewawdebêt û çî bedway xoyda dehênêt.

Pêwîste her yek le ême ewe bzanêt, ke tundutîjî tenya tundutîjî berhemdehênêt, herwa ke konepersitî û demargîrî [mezheb û nasîwnalîzm û reysîzm û şovênîzm û fasîzm] her konepestî û demargîrî le beranberekeda drustdeken û berhemdehênnewe. Ezmûnî dû sed salley xebatî bindestan bo rizgarî û azadî û serbexoyî û yeksanî û dadperwerîy nîşandawe, ke ramyarîy le xebatî komellayetî dûrmandexatewe û peywendîye komellayetîyekan helldeweşênêtewe û demankate takî demargîrî partîy û bêcge le koneparêzîy aydyolocya, hîçî dîke derknekeyn, endamî grup û partîyekan wek zîndanîyekin, ke hewall û pirsekan le demî zîndanewanekanewe debîstêt û lêy debne rastî bêçenduçûn. Bêçge lemeş nzîktirîn ezmûnî serdemî ême 22 sallî raburduwe, ke partayetîy rîzî yekgirtûy raperrîwanî şorrşigêrr û layengranî bzûtnewey şurayî hezar parçekrid û hêştakeş taweku partayetî benawî soşyalîzm û komunîzmewe le brrewdabêt, bedillnyayyewe parçe parçebûn û leyek dûrkewtnewe berdewamdebêt, çunke sruştî desellatixwazaney rêkxistinî ramyarîy peywendîyekan degorrêt be peywendî raber û paşrrew, fermander û fermanber lenêwan seranî rêkxistin û endamanî xwarewey rêkxistin, ke dwacar mlimlanêy desellatixwazane deafrênêt û cyabûnewe û lêkdabrran debête çarenûsî bêçenduçûn, bêcge leweş rêkxistinî ramyarîy le radîkalltirîn barîda benawî soşyalîzm û komunîzmewe, tenya wênegirtnewey [kopî] komellî çînayetî û peywendîye ser û xwarekanî û nayeksanî pêge û birryardan berhemdehênêtewe !

Eger negerêmewe ser mêjûy çepayetî le sallî 1936 [drustkirdnî hiş’] le ‘îraq û kurdistan, ewa mêjûy dû dehey raburdû prre le bekuştdan û befêrrodanî wze û xebat û jyan û gyanî lawanêkî dillsoz lepênaw encamdanî taktîk û sitratîjî helley partayetîy, ke tenanet lem sateda xudî seranî ew partaney ke le şîrî komunîzmî krêkarî drustibûn, nayanewêt nawyanbihênrêt û be hemû şêweyek hewllî dapoşanyan deden; her le druşm û bernamewe bigre ta serkutkarîy nêw rêzekanî xoyan!

Bedaxewe lem rojgareşda wêrray hemû ew ezmûnaney ke çewtî û nîgetîvbûnî druşm û çalakî û bernamekan deselmênin, keçî hêşta lawanêkî xwêngerm hen, ke bazarî partayetî çep germ radegrin û debnewe be qurbanî ramyarîyekanyan.

Azîzan, xebatî çînayetî, xebat û berengarîy komellayetîye, nek pallewanbazîy tak û hewllî ramyarîy û dnedanî partayetîy. Quran tenya pertûkêke û bêgyan, sûtandinî hîç karayyekî pozetîvî nîye, bellku tenya ayîndaranî xoşbawerr tûrredekat û berew birrwadartirbûn hanyan dedat. Pêwîste ême dû şit: quran wek pertûkêkî ayînî le alla û bernamey partîyekî îslamî cyabkeynewe. Çunke eger allay da’şi ya komellî îslamî bsûtênîn, tenya layengranî ew grupe tûrredekeyn û zorîney tirsawan le hêrşekanî da’şi destxoşîman lêdeken, bellam katêk ke quran desûtênîn, ewa milyard û nîwêk kes le xoman tûredekeyn û bew kare debîne handeryan bo demargîrtirbûn leser bawrrekeyan û herweha gişt dergekanî têgeyîştin le amanc û xewnî mrovdostanekan berrûyanda dadexeyn.

Leberewe ewî pêwîste le beranber hejmûn û metrisî îslamîye ramyarekan bikrêt, xorrêkxistinî cemawere, pêkhênanî yekînekanî xoparêzîy cemawerîye, pêkhênanî rêkixrawe cemawerîye serbexokanin, drustkirdnî dyalogî komellayetîye, jyandindnewey birrwabexobûnî takî bindeste be hêz û twanay komellayetîy xoy le berhemhênada, jyandnewey herewezî û harîkarî û xokomekîy komellayetîye, hewllî dûrkewtneweye le weremî ramyarîy û çolkirdnî rîzî partîyekane, gwênegrit ya wellamdaneweye bo/be ewaney ke xoyan kirdûwetewe serok û raber û demrrastî xellkî çewsawe û bindest!

Azîzanim, tkaye agatan le xotan bêt, dezanim êweş debîte qurbanî nezanî û handane çewt û desellatixwazanekanî çep. Eger ême letek hawçînan û hawderdanî dewrubermanda huşyarîy bgorrînewe û hewllî pêkhênanî korr û komelle komellayetîye serbexo û dabrrawekan le ramyarîy bdeyn, ewsa debînîn ke çon quran wek pertûkêkî efsaneyî hîç karayî namênêt, ewsa debînîn ke xebatî çînayetî tenya le sengerî komellayetîyda serkewtin bedestdehênêt û ramyarîy û partayetî morane û jenge be cestey bzûtnewey azadîxwaz û yeksanîxwaz û dadperweyixwazîyewe!

Hîwadarm xotan le grupe desellatixwaz û ramyarekan dûribgrin, çunke zor kesyan be kuştda û lebîrkran û herwa bedillnyayyewe kujranî êweş heman çarenûsî debêt.

Têbînî: mangî dêsemberî 1995 nameyekî lem corem bo hawrrêy tîrorkraw (şapûr ‘ebdulqadir) nûsî. Bedaxewe ew le jyanda nema, taweku bbînêt ke partîy û ramyarîy pêşrrew rêkxerî xebat û berengarîy çînayetîy nîn, bellku ramyarîy û partayetî parçe parçekerî rîzî xebatkaranî soşyalîzmixwaz û lenêwberî birrwa û mitmaneyane bexoyan û be hawrrêkanyan û tenanet wek debînîn, hawrrêkanî serdemî raperrînî henûke lenêw xoyanda bûnete dujminî ramyarîy û aydyolocî û paryateyî yekdî, leweş xraptir zorêk lewane le nahuşyarîy û naumîdîda êsta qsekerî lîste koneparêz û desellatixwazekey benaw “goran”n!

Hawrrêtan
Hejên Pîze

بەڕێوەبەرایەتی پاداستی پێشمەرگە و خۆفرۆشان

بەڕێوەبەرایەتی پاداستی پێشمەرگە و خۆفرۆشان

ئەوانەی کە ئەم ڕۆژە بەلایانەوە ئاسایییە، کە ناویان لەتەك ناوی خۆفرۆش و بەکرێگیراوانی ڕژێمی (بەعس)دا لەیەك لیستیدا بێ و لەیەك بەڕێوەبەرایەتییەوە خانەنشینی یا پاداستی قوربانیدانیان لەتەك هی خۆفرۆشان و بەکرێگیراوان وەربگرن، بەدڵنیاییەوە لە شاخیش پێشمەرگە نەبوون و تەنیا پاشڕەو و فەرمانبەر و پیاوی ئەم و ئەو بوون، یا ڕاستر بڵێم تەنیا چەکداری ئەم و ئەو بوون !

پەیکەرێك بۆ پاراستنی شوناسنامەکان

پەیکەرێك بۆ پاراستنی شوناسنامەکان

لە سەرەتای هەزارەی سێیەمدا لە پاڵتۆك ” ژووری ئازادیخوازان” لە کۆڕێکی رێکخراوی (چاك)داپێشنیاری پرۆژەی دروستکردنی پەیکەر بۆ هەموو پێشمەرگەیەك لە هەر کوێیەك گیراوە یا گیانی بەخشیووە، هەروەها هاوکات دروستکردنی پەیگەر بۆ چەکدارە کوردە بەکرێگیراوەکانی ڕژێمی بەعش، لەو شوێنەی لێی کوژراون، تاوەکو لە کۆمەڵدا جارێکی دیکە کەس نەوێرێ خۆفرۆشی و بەکرێگیراوی بۆ داگیکەران و دوژمان بکاتەوە!

ئەگەر ئەو کارە بکرایە و لە کۆڵان و گەرەڵ و شەقام و مەیدان و گوند و دەشت و دۆڵ و کێوەکاندا هەر کەسە و پەیکەری هەبووایە، هەنووکە نەوەی پاش ڕاپەڕین دەیزانی بۆ کۆمەڵی کورد هەردەم خۆفرۆش و دۆستی داگیرکەر بەرهەمدەهێنێتەوە!

ئێستاس درەنگ نەبووە و دەکرێت پەیکەر یا سیمبوڵ بۆ گیانبەخشان و بۆ خۆفرۆشان دروستبکرێت، تاوەکو مێژوو وەك خۆی تۆماربکرێت و هاوسەر و منداڵانی گیانبەخشان و هاوسەر و منداڵانی خۆفرۆسان پێکەوە لە یەک دەرگە و لەیەك بەڕێوەبەرایەتی خانەنشینی یا کۆمەك وەرنەگرن و نەچنە یەك لیستی قوربانیدان بۆ کۆمەڵ !

هەر کات تاکەکان کەوتنە شکاندنی بتەکان؛ پەیکەری ئیمپراتۆر و سەرکردە و جەنەڕاڵەکان، ئەوا کۆمەڵەکەیان بە ئاستێك لە هوشیاری لەسەر بنەمای سەربەخۆ بیرکردنەوەی تاك گەییشتووە، بەپێچەوانەوە هەر کات تاکی کۆمەڵێك بە شوناسی دەستکرد و ناوبانگی سەرۆکانەوە خۆیان ناساند، ئەوا هیشتا کۆیلەی سوپاسگوزارن و ترسیان لە ئازادی تاکەکەسیی هەیە؛ بە واتایەکی دیکە ترسیان لە ڕزگاربوون و سەربەخۆیی و ئازادی هەیە !