تا كاتێك كە بەرامبەر ئەو شوناس و ھەستە دەستكردانەی كە لە ھۆشی ئێمەدا جاندوویانە ھەستەوەرنەبین، ھەر ەھست بە ھاونەتەوەیی چەوسێنەرانی خۆمان دەكەن

دەكرێت ئەوە وابێت، چونكە زۆر ئاساییە پارتیش وەك ھەر پارتێك و وەك ھەر دەستەبژێرێكی ڕامیاریی ھەوڵی قۆرخكردن و پاوانكردنی شتەكان بۆ خۆی بدات، وەك دەزانین ھەموو گروپێكی رامیاریی لەپێناو بەدەستھێنانی دەسەڵات و پێگەی ئابووریی و بەھرەمەندبوون لە مشەخۆریی چیدەكرێت، بڕواناكەم لەو بڕوایەدا بن، كە كەسانی ڕامیاریی و پارتەكان بە ئامانجی خزمەتی خەڵكی ئاسایی ئەوەندە خۆیان ماندووبكەن… لەبەرئەوە پێمخۆشبوو بزانم، ئەگەر پارتی یا ئنك یا نەوشیروانییەكان یا ئیسلامییەكان ھەر كامیان سەروەربن، چی لە ژیانی ئێمە دەگۆرێت، چی لە ژیردەستەیی و نەھامەتییەكانمان دەگۆڕێت ؟

بە بڕوای من جیاوازی هەیە لە نێوان ئەم هێزانە. سەیری هەولێرو دهۆك بکە لە لایەك و سەیری ناوچەی سلێمانیش بکە. جیاوازی هەیە لە نێوان پارتی و یەکێتی و هەروەها چونییەتی بەڕێوەبردنی ناوچەی ژێر دەسەڵاتیان. ڕاستە فاکتەری تریش هەیە بۆ دروست بوونی ئەو جیاوازییە. بەڵام وانییە بڵێیت ژیانی ئێمە ناگۆڕێت. ئیسلامییەکان بچنە سەر دەسەڵات شەریعە جێبەجێ دەکەن. گۆڕان بچێت ئازادییەکان زیاتر دەخنکێنرێ هەروەها بەهەموو شێوەیەك شەقام ئارام ڕادەگرێت.

ئەوە جیاوازی ھوشیاریی و ئەزموونگەریی خەباتی ژێردەستانی ھێزەكانە، كە ئەو جیاوازییە ڕواڵەتییەی بە ینك بەخشێوە، ئەمەش پێشینەی پرۆسێسێكی مێژووی ھەیە … با نموونەیەكی زیندوو لە سی ساڵی ڕابوردوودا بخوێنینەوە، كاتیك كە حزب اللە لە ئێران بەپێی میكانیزمەكانی ھەڵبژاردنی پارلەمانی بوو بە دەسەڵات و كۆماری ئیسلامی ئێرانی پێكھێنا، تا ساڵی ١٩٨٢ كە بەرەنگاری خەڵكی بەتەواوی لە باكوور و بلوجستان و عەرەبستان و ئازەربایجان و كوردستان، تیكنەشكاندبوو، نەیتوانی ئازادییە بەدەستھاتووەكانی لە كۆمەڵگەدا یەك شەو و ڕۆژە بپێچێتەوە، بەڵام لەو ساڵە بەدواوە بە كۆمەكی جەنگی عیراق – ئێران و ئابڵۆقە ئابوورییەكانی خۆراوا، توانی تا چەند ساڵ لەمەوبەر ئێران بكاتە زیندانێكی گەورە و تەنانەت دەركەوتنی تاڵە پرچی ژنێك لەتەك شەلاق ڕووبەڕوودەبووەوە، ئەم بارە بەرەنگاریی خۆی بەرھەمھێنا و دە سالێك دەبێت، كە سەرپۆش تەنیا وەك كلیتەیەك بە سەری ژنانی ئازادەوە ماوەتەوە و لە میدیاكاندا ژنانی ئێرانی لەنێو ماڵەكانیاندا بەبێ سەرپۆش دەردەكەون و لە شەقامەكاندا وەك ناڕەزایەتی وێنەی بە كۆمەڵی بێ سەرپۆش دەگرن و تەنانەت لە زنجیرە تەلەفزیۆنییەكانی خودی ئێرانیشدا ئەو گۆڕانە چەندایەتی و چۆنایەتییە دروستبووە و ئیدی ئەو كۆمارە ئیسلامییە نەماوە، كە ژنانی لەسەر نەپۆشینی مەقنەعە شەلاق و زیندان و لەسێدارەدەدا. ئا ئەمە ھۆكاری كراوەی ناوچەی ژێر دەسەڵاتی ینك و بە دڵنیاییەوە سەرانی ینك ئاواتەخوازن كە دەسەڵاتداری ناوچەی بلە و بەرزان بوونایە، تاوەكو بەبێ سەرئێشە چەكمەی ئاسنینیان بەسەر سەری ناڕازییانەوە سەما بكات … بەڕێزم، بێجگە لەو ھۆكارەی سەرەوە، ئەوەی ئەو بارەی راگرتووە و جیاوازییەكی ڕوالەتی پێبەخشیوە، ئەمانەن؛ یەكەم پابەندیی ناوچەگەریی، دووەم خۆشباوەڕیی ئایینی، سێیەم گەندەڵكردنی مۆڕاڵ و پەیوەندییە كۆمەڵایەتییەكان لە ڕێگەی دەمچەوكردنەوە، كە ھەموو ئەمانە كارایی خۆیان لەسەر ھوشیاریی خەڵك و ڕێژەی ئەو ھوشیارییە بەپێی پابەندبوونی خەڵكی ناوچەكان، داناوە.

ھاونەتەوەبوون ؛ پارێزگاری و خۆبەكوشتدان ئەركی ئێمەی نەدارە، سەروەری و مشەخۆری و بەھرەمەندبوون لە سامان و داھاتی نیشتمان، بەشی دەسەڵاتداران و داراكان !

زۆرینەی كورد لەبەردەم سندوقی دەبەنگكردن [تەلەفزیۆن]دا بە دەمی داچەقاو و چاوی ئەبڵەقەوە سڵاوات لە جەنجاڵی بازاردەدات

خۆزگە زۆرینەی مرۆڤەكان توانانی گەرانەوەیان بۆ ئاژەلیتی ھەبووایە، ئەوا نە كارخانەی چەكسازیمان پیویست دەبوو، نە سەرۆك و پارت و دەوڵەتی باش دەبوونە خەونی مرۆڤە دەبەنگكراوەكان .

دارا ھەر دارێكی دیت، لە بنەوە را بڕی !

 مرۆڤ باجی دەبەنگی خۆیدەدات، تیاچوونمان نزیكبووەتەوە

ھاوڕێ … ھەش بكە بەسەری پارتەكاندا، دەمی سەركردایەتییان بە قوڕ بگرە، بەدبەختەكانی خوارەوەش داچڵەكێنە، ئەمە باشترین كارێكە كە دەكرێت بیكەین

ھاوڕێیان، ھاوەڵان ، دۆستانی فەیسبووكئاوا

خۆزگە وێنەی سەربڕینتان بڵاونەكردایەتەوە، نەك بۆ ئەوەی كە ڕووی راستەقینەی ئایین و ڕامیاریی و پارت و دەوڵەتەكان دەرنەكەوێت، بەڵكو لەبەرئەوەی كە لە خودی ئێمەشدا توندوتیژی وەك كاردانەوە بەڕووی دڕندایەتی گروپە ئیسلامییەكان، ناسیونالیستە بە خوێن تینووەكان، دەوڵەتی ڕۆچنراوی سەر كەللەسەران، سەرھەڵنەدات…

توندوتیژی توندوتیژی دەئافرێنێت. پەیامبەرانی جەنگی كولتوورەكان ئامانجی خۆیان پێكا، خاڵی لاوازی مرۆڤی موسولمانیان دۆزییەوە؛ سەربڕین و خۆتەكاندنەوە، تا ڕووی خۆیانی پێ سپی بكەنەوە …

دەبەنگی ئیسلامییەكان ئا لێرەدایە، كە بە ئاسانی لەلایەن كۆمپانییەكانی چەكسازییەوە، لەلایەن دەوڵەتانەوە، لەلایەن باندە مافیاكانەوە وەك قەساب بەكرێدەگیردرێن. لە جەنگی گەورە [جەنگی سی ساڵەی ئەوروپا]دا مەزھەبە كریستییەكان، گەورەترین داھێنانیان لە مرۆڤكوژیدا لە خۆیان نواند، بەڵام ئەم ڕۆ مەزھەبە ئیسلامییەكان ڕووی كریستەكانیان سپی كردووەتەوە و لەوەش زیاتر لە چاو ئیسلامییەكان بوونەتە كۆتری ئاشتی و داوای كۆتایھێنان بە توندوتیژی دەكەن.

لەوە دەچێت، ئاوا بڕیاردرا كە ئیسلام، كۆتایی یا دوایین ئایینی ئاسمانی بێت، ئیسلامییەكانیش دواییترین داھێنەرانی مرۆڤكوژی بن.

وێڕای ھەزاران ساڵ سەربڕینی ئاژەڵ، ھێشتاكە ئاژەڵەكان سەرپێچی و ھەوڵی ھەڵھاتن و خۆراپسكان دەدەن، كەچی دڕندەیی ئیسلامییەكان و دەوڵەتان و باندە مافییاییەكان بەڕادەیەكە، كە مرۆڤی قوربانی بە ئارامییەوە مل بۆ چەقۆ و خەنجەر و شمشێری قەسابانی ئیسلام درێژدەكات. ئەمە ئەوپەڕی دڕندەییە، دڕندەییەك، كە قوربانی لە ھەوڵی خۆقوتاركردن و خۆراپسكان گێڕاتەوە، تەنانەت سروشتە ئاژەڵییە ھیوادارەكەی لێسەندووە …

ئاخ لەم ساتدا نازانم چی بڵێم. تەنیا ئەوەندە دەزانم، ئیسلامییەكان خزمەت بە دوژمنەكانیان دەكەن، خزمەت بەوانە دەكەن، كە لە جەنگی كولتوورەكاندا تەڵەیان بۆ دانانەوە، ئەمە ھەمان بەكرێگیراوی سەرۆكخێلەكانی بیابان و و شێخەكاكانی كەنداوە لە كۆتایی سەدەی نۆزدە و سەرەتای سەدەی بیستەمدا، كە ڕێیان بۆ داگیركەرانی ئەوروپی خۆشكرد، ئەم ڕۆژ لە سایەی سەری گروپە ئیسلامییەكانەوە ھەم بازاری چەكفرۆشی گەرمە، ھەم نەفرەت لە خەڵكی خۆرھەڵاتی ننێوەڕاست لە زیادبووندایە و ھەم باشترین بیانوو دەدەنە دەست دەوڵەتانی جیھان بۆ بەرتەسكردنەوەی ئازادیییە تاكی و جڤاكییەكان لە سەرتاسەری جیھاندا و ھەم بیانوو بۆ لەشكركێشیی بۆ سەر وڵاتان، دەستەبەردەكەن !

بەڵێ ئەحلام سیمبولی ژنی ئازادیخوازی كورد بوو، ژنێك كە شوناسی پلەدووی كولتوور و سیستەمی ڕامیاریی ژێرپێ خستبوو. ئەو ھەمیشە خۆی بوو، نەك ئەو بوونەوەرە لاوازەی كە كولتووری كوردی دەیخواست ونەك ئەو بووكەشووشەیەی كە سیسەتمی سەرمایەداری لە ژێر دێوجامەی ئازادییە ڕواڵەتییەكەدا دەیخوازێت، ئەو خۆی بوو، مرۆڤی ئازادیخواز، چاوەڕیی پێبەخشینی ئازادی و یەكسانی لەلایەن دەسەڵات و كۆمەڵگەوە نەبوو، ئەو لە سروشت و بوونی خۆیدا بەرجەستەی كردن